Juventusi konsideron dy mbrojtës si pasues të Alex Sandros

Mario Hermoso i Atletico Madridit dhe Lloyd Kelly i Bournemouthit janë objektivat kryesore të Juventusit për të zëvendësuar Alex Sandro në sezonin 2024/2025.

Alex Sandro pritet të largohet nga Torino në fund të kontratës së tij në qershor 2024 dhe sipas Tuttosport, Juventus ka identifikuar dy zëvendësues të mundshëm për mbrojtësin brazilian.

Ata janë Hermoso i Atletico Madrid dhe Kelly i Bournemouth. Të dy lojtarët mund të transferohen në Torino falas në fund të sezonit pasi marrëveshjet e tyre aktuale mbarojnë gjithashtu në qershor.

Të dy mbrojtësit janë gjithashtu luajnë me këmbë të majtë, si Alex Sandro, kështu që teknikisht ata mund të zëvendësojnë mbrojtësin me përvojë të Juventusit.

Megjithatë, Hermoso dhe Kelly kanë karakteristika të ndryshme të cilat drejtuesit e Juventusit po i vlerësojnë.

Hermoso është 28 vjeç dhe ka më shumë përvojë se 25-vjeçari Kelly, i cili po luan sezonin e tij të dytë në Ligën Premier. Hermoso ka qenë një titullar i rregullt i Atletico Madrid për katër vitet e fundit, dhe Los Colchoneros tashmë kanë hapur bisedimet për t’i ofruar atij një marrëveshje të re.

Së fundmi, spanjolli zbuloi se ende nuk ka vendosur nëse do të qëndrojë në kryeqytetin spanjoll përtej verës.

Në anën tjetër, Kelly është ndjekur edhe nga Milani dhe shihet si një përforcim i mundshëm nga kuqezinjtë për sezonin 2024/25. /Telegrafi/