Juventus miratoi buxhetin e sezonit 2023-2024 – klubi ka ulur ndjeshëm borxhet

Juventus ka konfirmuar se klubi ka pasur humbje prej 199.2 milionë euro gjatë vitit më të fundit financiar, por ka reduktuar borxhet e klubit me vetëm 100 milionë euro pas përfundimit të mbledhjes vjetore të aksionerëve të klubit të enjten.

265 aksionarë ishin të pranishëm në Torino të enjten, siç ishin disa drejtues të profilit të lartë të Bianconerëve, duke përfshirë presidentin Gianluca Ferrero, CEO-n Maurizio Scanavino dhe legjendën e klubit Giorgio Cheillini, i cili së fundmi u kthye në klub si kreu i marrëdhënieve institucionale të futbollit.

Buxheti i Juventusit për 2023/24 u miratua me 99.2% të votave të aksionarëve të pranishëm.

Klubi ka konfirmuar humbje prej 199.2 milionë euro.

Scanavino e bëri të qartë se klubi kishte rënë me rreth 130 milionë euro për sa i përket të ardhurave për shkak të mospjesëmarrjes së tyre në Ligën e Kampionëve apo ndonjë garë tjetër evropian sezonin e kaluar.

Totali i të ardhurave aktuale të klubit ishte rreth 395 milionë euro në 2023/2024, që pritet të rritet vitin e ardhshëm pas kthimit të Juves në Ligën e Kampionëve.

Lexo po ashtu “Ka delegjitimuar dy kampionë”, Valon Behrami me kritika për trajnerin Motta

Është konfirmuar gjithashtu se borxhet e klubit aktualisht janë rreth 242 milionë euro, që është më pak se 100 milionë euro në krahasim me shifrën e vitit të kaluar, e cila ishte 329 milionë euro. /Telegrafi/