Julia Ormond e padit producentin Harvey Weinstein për sulm seksual

Aktorja Julia Ormond e ka paditur producentin Harvey Weinstein për sulm seksual.

Në padinë e ngritur të mërkurën dhe të siguruar nga Page Six, ylli i “Legends of the Fall” pretendon se Harvey e ka sulmuar seksualisht pas një darke biznesi në vitin 1995.

58 vjeçarja pretendon në padi se 71 vjeçari i tha asaj se ai do të diskutonte vetëm një projekt ‘në apartamentin që Miramax kishte ofruar për Ormond si pjesë e marrëveshjes së tyre të parë me të’.

Ormond pranoi që Weinstein të vinte në apartamentin e saj, ku ai dyshohet se “u zhvesh lakuriq dhe e detyroi atë të kryente seks oral ndaj tij”.

Pas incidentit të supozuar, ylli i “Sabrina” thekson se ajo informoi agjentët e saj Kevin Huvane dhe Bryan Lourd për atë që kishte ndodhur.

Megjithatë, Ormond pretendon se ata dyshohet se e këshilluan që të mos fliste dhe nuk e mbrojtën më pas.

Ajo po padit gjithashtu Agjencinë e Artistëve Kreativë (CAA) për neglizhencë dhe shkelje të detyrës fiduciare.

Për më tepër, Ormond po padit gjithashtu Miramax dhe Walt Disney Company për mbikëqyrje dhe mbajtje të pakujdesshme.

Huvane dhe Lourd – të cilët janë bashkë-kryetarë të AAC-së – nuk përmenden si të pandehur në padi, por ata janë përmendur në të gjithë dokumentin si përfaqësues të saj gjatë asaj kohe.

E njëjta bëri një deklaratë pas padisë, duke thënë se ajo ka jetuar “me kujtimet e dhimbshme” të shkaktuara nga Weinstein për “dekada”. /Telegrafi/