Joshua refuzoi ofertën mbi 10 milionë euro për t’u larguar nga Hearn

Anthony Joshua ka zbuluar se ka refuzuar mbi dhjetë milionë euro për t’u larguar nga promovuesi Eddie Hearn dhe të vazhdojë me një të ri.

Kampioni i peshave të rënda në WBA, IBO, IBF dhe WBO, është duke u përgatitur aktualisht që të përballje me Oleksandr Usyk.

Ukrainasi tenton të fitojë titullin WBO, që mbahet nga AJ, me këtë të fundit që zbuloi se si ka pranuar ofertën që të shkëpusë marrëveshjen me Hearn.

Lexo po ashtu Anthony Joshua shfaq fizikun e ‘frikshëm’ para meçit me Oleksandr Usyk

Duke folur me Gary Neville në emisionin e tij The Overlap , Joshua zbuloi ofertën, ndërsa foli më gjerë për natyrën e marrëdhënies së tij me Hearn dhe kompaninë promovuese Matchroom Boxing.

“Kjo varet vërtet nga tregtia juaj”, shpjegoi Joshua kur u pyet për ndarjen parave në kontratën e një boksieri.

Lexo po ashtu Transformimi trupor i Oleksandr Usyk i ka zënë në befasi edhe kundërshtarët e tij

“Unë thjesht mund t’ju ofroj një tarifë, kështu që nuk është sikur të ju zotëroj, por mund të blej të drejtat tuaja të imazhit dhe të them se dua të blej të drejta për të gjitha fitimet tuaja të ardhshme”.

“Mund të bëjë marrëveshje me këdo, madje ishte një ofertë mbi dhjetë milionë euro që të nënshkruaj me një kompani, por jo – nuk më bindin këto gjëra”, ka shtuar më tej boksieri britanik. /Telegrafi/