Jorge Mendes i kërkon Atletico Madridit ta shesë Joao Felixin në janar

Agjenti Jorge Mendes i ka thënë Atletico Madridit se ai dëshiron që klienti i tij Joao Felix të shitet në afatin kalimtar të janarit, me klubin spanjoll të gatshëm të dëgjojë ofertat.

Felix mbërriti në Atletico për një shifër të pabesueshme prej 125 milionë eurosh në moshën 19-vjeçare, pas sezonit të tij të parë në ekipin e parë të Benficas, ku shënoi 15 herë në 26 ndeshje në Superligën e Portugalisë.

Sulmuesi u nënshkrua nga Diego Simeone si zëvendësues për Antoine Griezmann, i cili u largua atë verë për Barcelonën në një marrëveshje me vlerë pak më të ulët sesa e portugezit.

Lexo po ashtu Përditësohen vlerat, këta janë dhjetë lojtarët më të vlefshëm në La Liga

Felix ka treguar disa herë aftësitë e tij gjeniale në Wanda Metropolitano, por ende nuk e ka arritur potencialin e tij të plotë, edhe pse ai është ende 22-vjeçar.

Megjithatë, sipas gazetës AS, Felix së shpejti mund të largohet nga Atletico, me raportet se agjenti i tij, Mendes, i ka kërkuar klubit që ta shesë lojtarin në janar.

Portugezi u dëmtua në fillim të sezonit, por u rikthye në ekipin e parë të Simeones, duke filluar tre ndeshje në La Liga dhe të katër ndeshje në Ligën e Kampionëve.

Megjithatë, kjo ndryshoi për ndeshjen me Valencian në nëntor, kur sulmuesi portugez ishte në stol dhe luajti vetëm tre minutat e fundit.

Një tjetër raport në gazetën AS të martën pohoi se klubi do të ishte i interesuar të shiste ish-lojtarin e Benficas në mënyrë që të mblidhte fonde për përforcimin e skuadrës për vazhdimin e sezonit.

Barcelona ishte e interesuar të shkëmbente Griezmann me Felix në verë, por Atletico nuk ishte i interesuar për marrëveshjen, por gjithsesi nënshkroi sulmuesin francez. /Telegrafi/