Manchester Unitedi do ta bëjë Jadon Sanchon prioritet për afatin kalimtar të janarit kur pritet që klubi anglez të shpenzojë shumë.

Djajtë e Kuq u përpoqën ta transferonin talentin e Borussia Dortmundit gjatë verës, mirëpo klubi nga Bundesliga refuzoi ta shesë.

Për më shumë, 19-vjeçari sapo ka nënshkruar kontratë të re me BVB, nga e cila do të përfitojë 208.000 euro në javë (afro 11 milionë euro në sezon).

Jadon Sancho (Foto: Clive Rose/Getty Images/Guliver)

Megjithatë, Ole Gunnar Solskjaer nuk e ka në plan të heqë dorë nga Sancho, të cilin do ta kërkojë përsëri në afatin kalimtar dimëror.

Të gjitha lajmet nga Jadon Sancho Të gjitha lajmet nga Jadon Sancho

Trajneri i Djajve të Kuq do të ketë në dispozicion 100 milionë funte (109 milionë euro) në janar, ndërsa mesfushori i talentuar do të jetë në krye të listës së transferimeve. /Telegrafi/