Poezi nga: Leonard Cohen
Përktheu: Fadil Bajraj
Izrael, dhe ju që e quani veten Izrael,
po ashtu edhe Kisha që e quan veten Izrael, dhe
revolta që e quan veten Izrael, dhe çdo komb
që është zgjedhur të bëhet komb – asnjëra prej
këtyre tokave s’është juaja, të gjithë ju jeni hajdutë
të shenjtërisë, të gjithë ju që jeni në luftë me Mëshirën.
Kush do ta thotë këtë? A do ta thotë Amerika,
Ne e kemi vjedhur atë, ose Franca është tërhequr?
A do të rrëfehet Rusia, apo do ta pranojë Polonia?
Ne kemi mëkatuar? Të gjithë që janë kapardisur në
kallumet e fatit, të gjithë që janë kacagjeluar në imunitetin
e besëtytënisë. Ishmael, i cili qe shpëtuar në shkretëtirë,
dhe që u strehua në shkretëtirë, dhe njëfarë thesari vdekjeprurës
nën ju: A ju ka bërë Mëshira më të mençur? Do të deklarojë Ishmael,
Jemi në borxh përgjithmonë? Prandaj tokat nuk i takojnë asnjërit
nga ju, kufijt nuk qëndrojnë, Ligji kurrë nuk do t’i shërbejë të paligjshmëve.
Secilit komb toka i është dhënë me kusht. E perceptuat a s’e perceptuat,
ekziston njëfarë Premtimi, përtej kushtetutës, përtej garancisë
së sovranitetit, përtej ëndrrave më të dashura të kombit mbi
vetveten. Premtimi është shkelur, kushti është çnderuar,
nuk e keni vërejtur se toka është përdhosur? Ju nuk keni vend,
do të bredhni nëpërmes vetes suaj nga brezi në brez pa kurrfarë
filli. Kështu që ju sundoni mbi kaos, ju i ngreni flamujt tuaj pa autoritet,
ndërsa zemra e cila ende rrah ju urren, edhe ajo që ka mbetur
nga Mëshira ka turp t’ju shikoj. Ju shkatërroni prapa
blindave tuaja të brishta, grahmat tuaja ju alarmojnë,
paniku juaj godet dashurinë. Toka nuk është e juaja, toka është rikthyer,
shenjtëroret tuaja fluturojnë në hava, tabelat tuaja janë
korrektuar me ngut, ndërsa ju përkuleni në ferr pranë torturuesve tuaj të paguar,
e ju ende i numëroni batalionet dhe i kakarisni këngët e marshit tuaj.
Armiku juaj i drejtë po dëgjon. Ai i dëgjon himnet tuaja plot gjak dhe kotësi,
edhe fëmijët tuaj që këndojnë sall për vete. Ai e ka përmbysur makinën e
çështjes kombëtare, ai e ka flakur ngarkesën e çmuar, dhe secilin komb
ai e ka rikthyer. Ngase kapardiheni me kohën e juaj të shkurtër.
Ngase nuk përlesheni me engjëllin tuaj. Ngase ju guxoni të jetoni pa Zotin tuaj.
Ngase qyqarllëku juaj ju ka bërë të besoni se ngadhnjimtari nuk çalon.
Lufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Fjalë të urta orientale: Mjeshtri i paaftë zihet me veglat e tij
Kujtime egotiste
Paraqitja e tmerrshme e Mbretëreshës së ndjerë flet për fundin e epokës së statujave
ANNABEL LI
Mbi macet dhe vajzat ...
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur