Ish-anëtari i PSG-së zbulon prapaskenat: Kishte marrëveshje para Covid-19 që Mbappe të kalonte te Reali, është vetëm çështje kohe kalimi i tij në Santiago Bernabeu
Kylian Mbappe është objektivi madhor i Real Madridit për repartin ofensivë.
Sulmuesi francez prej kohësh po kërkohet nga Los Blancos dhe duket se transferimi i tij do të ndodh në verë.
Kështu së paku ka deklaruar ish-anëtari i Paris Saint Germain, Jerome Rothen, që ka zbuluar se ka pasur një marrëveshje para coronavirusit për kalimin e Mbappes në Santiago Bernabeu.
“Nga burimet që kam brenda klubit e di që kishte një marrëveshje para Covid-19 që Mbappe të kalonte te Real Madridi”, deklaroi Rothen për Radio Montecarlo.
Ish-reprezentuesi francez thotë se kalimi i Mbappes te Reali është vetëm çështje kohe.
“Pas asaj që ka ndodhur me virusin, kalimi i Mbappes në Madrid do të shtyhet, por përsëri ka gjasa të ndodh këtë verë. Sipas mendimit tim dhe informacioneve që kam, transferimi i Kylian te Reali është vetëm çështje kohe”, vazhdoi tutje Rothen.
42-vjeçari thotë se nuk ka asnjë shans që Mbappe të vazhdoj kontratën me PSG-në, pasi lojtari dhe klubi kanë një marrëveshje që e lejojnë reprezentuesin francez të transferohet te Reali.
“Nuk ka asnjë mënyrë që Mbappe ta zgjas kontratën me PSG-në. Lojtari dhe klubi kanë një marrëveshje që e lejojnë atë t’i bashkohet Realit këtë verë”, përfundoi Rothen.
21-vjeçari ka kontratë me kampionin në fuqi të Francës deri në verën e vitit 2022, ndërsa për momentin është lojtari më i shtrenjtë në botë.
Reali për ta transferuar kampionin e botës me Francën në Santiago Bernabeu duhet të paguajë 200 milionë euro. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Florentino Perez jep dritën e gjelbër për transferimin e lojtarit që do ta zëvendësojë Kroosin
Arbër Hoxha vendimtar edhe në Kupën e Kroacisë, sjell trofeun te Dinamo Zagreb pas dy asistimeve
Finalja e Ligës së Evropës: Atalanta – Leverkusen, formacionet zyrtare, Xhaka dhe Gjimshiti nga minuta e parë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251