0Shares

Portieri i Arsenalit, Petr Cech, ka pasur një rol indirekt në golin e barazimit të Tottenham Hotspurit (2-2) në ndeshjen kundër Juventusit në përballjen e parë të 1/8 së finales të Ligës së Kampionëve.

Spursat ishin në disavantazh prej dy golash, të cilët i pranuan në nëntë minutat e para të takimit në Torino, mirëpo falë angazhimit të madh, fillimisht e ngushtuan rezultatin me anë të Harry Kane, ndërsa më pas Christian Eriksen i barazoi shifrat me një gjuajtje të lirë që e mashtroi Gianluigi Buffonin.

Megjithatë, vendimi i mesfushorit për ta goditur gjuajtjen e lirë në anën e portierit ishte ndikuar nga një intervenim i mëparshëm i Cech në derbin e Londrës, kur danezi kishte goditur në anën më të largët të portës në raport me portierin.

Remi në Torino, Juve shënon dy gola - por aq i realizon edhe Tottenhami Remi në Torino, Juve shënon dy gola - por aq i realizon edhe Tottenhami

Kjo ishte arsyeja pse 26-vjeçari këtë herë, nga pozita thuajse e njëjtë, vendosi të godiste në anën më të afërt të portierit dhe topi përfundoi në rrjetë.

“E pata një goditje të tillë në fundjavë kundër Cechut, nuk e zgjodha anën e portierit dhe ai e lexoi. Fatmirësisht këtë herë, shkoi ndryshe”.

“Mirëpo, pata një ndjenjë dhe e pash murin duke lëvizur, dhe mu duk se e pashë duke bërë një hap edhe Buffonin, dhe fatmirësisht ndërrova mendje dhe vendosa për këndin tjetër dhe topi hyri brenda”, ka shpjeguar Eriksen rreth momentit të gjuajtjes së lirë.

Edhe portieri i Tottenhamit, Hugo Lloris, e kishte kuptuar se mesfushori e ka ndërruar anën, si rezultat i pritjes fantastike të Cechut në derbin e zhvilluar në Wembley.

“Ai për pak sa nuk shënoi ndaj Arsenalit, por Petr Cech bëri një pritje fantastike. Dhe ndoshta falë asaj gjuajtjeje të lirë, ai e ndërroi anën dhe goditi në anën e portierit dhe kjo rezultoi me sukses!”, ka thënë Lloris. /Telegrafi/

Të Ngjajshme
Shfaq Komentet (0)