Interi i kthehet pistës së vjetër për sulmin, kërkon ta marr Luis Murielin në janar

Pasi ka krijuar hapësirë ​​në skuadër, Interi mund të bëjë një lëvizje për sulmuesin e Atalantas, Luis Muriel këtë muaj.

Nerazzurrët ranë dakord të dërgojnë Lucien Agoume në Sevilla në huazim këtë javë dhe janë të hapur për të lënë Stefano Sensi të largohet te Leicester City, që janë të interesuar.

Përfundimi i të dyja marrëveshjeve do të lehtësonte faturën e pagave të klubit për gjysmën e dytë të këtij sezoni.

Interi ka sjellë tashmë një lojtar këtë muaj, duke nënshkruar me Tajon Buchanan nga Club Brugge në një marrëveshje me vlerë rreth 7 milionë euro.

Siç raportohet nga Sport Mediaset, Interi mund të kërkojë të sjellë Murielin nga Atalanta më vonë në afatin kalimtar të janarit, nëse ata arrijnë të dërgojnë Sensin në Leicester.

Kontrata e sulmuesit 32-vjeçar kolumbian skadon në verë dhe duket se nuk është afër një marrëveshjeje të re, duke e bërë atë një mundësi interesante për afatin kalimtar të dimrit.

Lexo po ashtu Interi ka prioritet të qartë transferimi në afatin kalimtar të janarit

Marko Arnautovic nuk ka arritur të sigurojë gola dhe qëndrueshmëri, madje edhe i ka nervozuar tifozët në javët e fundit. /Telegrafi/