Danilo D’Ambrosio dhe Samir Handanovic kanë rezultuar pozitiv me coronavirus dhe Interi ka frikë nga një shpërthim me shtatë lojtarë të ekipit të parë në rrezik.

Sipas mediumit Il Corriere dello Sport, shtatë lojtarë që nuk kanë testuar pozitiv për COVID-19 ishin në autobusin e ekipit me dy lojtarët të dielën e kaluar.

D’Ambrosio kishte simptomat e para të dielën në mëngjes dhe Handanovic që atëherë ishte testuar pozitivisht.

D’Ambrosio infektohet me COVID-19 D’Ambrosio infektohet me COVID-19

Lojtarët që kanë shmangur coronavirusin deri më tani – Stefan de Virj, Achraf Hakimi, Nicolo Barella, Christian Eriksen, Ivan Perisic, Lautaro Martinez dhe Romelu Lukaku – ishin të gjithë në autobusin e ekipit me dy lojtarët pozitivë të dielën.

Gazeta raporton lajmin alarmues nga Pinetina, ku Nerazzurët kanë frikë se një shpërthim mund të ndikojë në serinë e tyre pozitive në kampionat.

Interi në telashe, Handanovic rezulton pozitiv me COVID-19 Interi në telashe, Handanovic rezulton pozitiv me COVID-19

Handanovic do të mungojë vetëm një ndeshje para ndërprerjes ndërkombëtare javën e ardhshme dhe pastaj të kthehet kundër Bolognas.

Ekipi i Antonio Contes qëndron në vendin e parë në Serie A me një diferencë prej nëntë pikësh në krahasim me Milanin e vendin e dytë, dhe 10 pikë me kampionët në fuqi të Juventusit, të cilët kanë një ndeshje më pak. /Telegrafi/