Inter – Juventus: Analizë, parashikim dhe formacionet e mundshme të Derby d’italia

Trajneri i Interi, Simone Inzaghi dhe ai i Juventusit, Max Allegri, janë përballur 18 herë mes vete deri më tani.

Allegri ka statistika më të mira, pasi ka marr 9 fitore, 3 barazime dhe 6 humbje.

Skuadrat e drejtuara nga Inzaghi, Lazio dhe Interi kanë shënuar 17 gola ndaj atyre të Allegrit.

Sa i përket Allegrit, Juventusi ka shënuar 25 gola ndaj Lazios dhe Interit të drejtuar nga Inzaghi.

Interi ka zhvilluar 21 ndeshje, ndërsa Juventusi ka zhvilluar 22 deri më tani në këtë sezon të Serie A.

Vendasit janë në vendin e parë në renditje me 54 pikë, ndërsa mysafirët në vendin e dytë me 53 pikë.

Interi ka sulmin dhe mbrojtjen më të mirë, ndërsa ndeshja pa gola të pësuar kanë, Zikaltërit plotë 13, ndërsa Bardhezinjtë plotë 12.

Sipas vlerësimeve të SofaScore, Interi ka notën e përgjithshme 7.13, ndërsa Juventusi 7.10.

Simone Inzaghi dhe Max Allegri nuk e kanë situatën e njëjtë sa i i përket mungesave të lojtarëve.

Inerit i mungon vetëm Juan Cadrado shkaku i dëmtimit, ndërsa te Juventusi mungojnë Mattia de Sciglio, Moise Kean shkaku i dëmtimeve, ndërsa të pezulluar janë Arek Milik, Nicolo Fagioli dhe Paul Pogba.

Inzaghi pritet të startojë me Lautaro Martinez dhe Marcus Thuram në sulm, ndërsa Allegri pritet t’i besojë Kenan Yildizit dhe Dusan Vlahovic, edhe pse Federico Chiesa është gati.

Parashikimi: Inter – Juventus 1-1

Dy skuadrat pritet të jenë në fushë me formacionet më të mira, pasi rëndësia e ndeshjes është jashtëzakonisht e madhe.

Si vendasit ashtu edhe mysafirët kërkojnë fitoren, megjithatë të dyja skuadrat do të luajnë me kujdes të madh pasi nuk duan të humbasin dhe parashikimi është se do të përfundojë baras 1-1. /Telegrafi/