Hudson-Odoi: Me Bayernin nuk kam biseduar, nuk e di se çfarë do të ndodhë në të ardhmen

Callum Hudson-Odoi është njëri nga lojtarët më të talentuar anglez.

Sulmuesi këmbëshpejtë ka qenë titullar për Chelsean në Kupën FA ndaj Sheffield Wednesday ku ka shënuar edhe një gol në fitoren 3-0.

18-vjeçari realizoi një gol të bukur pas asistimit fantastik nga mbrojtësi Andreas Christensen.

Por pas ndeshjes ai është pyetur nëse ka kërkuar largimin nga Chelsea për t’iu bashkuar Bayernit.

“Nuk kam pasur ende një telefonatë nga Bayerni, nuk kam biseduar me askënd”.

“A ishte ndeshja e fundit me Chelsean? Nuk mund ta them këtë gjë”, tha Hudson Odoi.

Reprezentuesi i Anglisë tutje ka thënë se nuk e di në të ardhmen se çfarë do të ndodhë derisa vazhdon të punojë me përkushtim.

“Unë thjesht jam duke vazhduar çdo dit duke punuar shumë, pasi ajo është gjëja kryesore”.

“Të ardhmes nuk i dihet, kësisoj krejt çfarë mund të them është se jam një futbollist i Chelseat”, përfundoi lojtari për Sky Sports.

Callum Hudson-Odoi today is the day? #Bayern #Chelseapic.twitter.com/aRECcZYxWK

— Manuel Veth (@ManuelVeth) January 28, 2019

Bayernit i janë refuzuar katër oferta nga Chelsea për yllin anglez, derisa e fundit ishte 43 milionë euro.

Chelsea në anën tjetër po mundohet të nënshkruajë një kontratë afatgjate me lojtarin. /Telegrafi/