Hoxha: Rritja e tepruar e pagës minimale do të dëmtonte ekonominë e vendit

Qeveria e Kosovës sot në mbledhje ka miratuar Projektligjin që e cakton pagën minimale në vlerë prej 264 euro bruto ose 250 euro neto.

Kurti bëri të ditur se nga rritja e pagës minimale do të përfitojnë rreth 300 mijë punëtorë.

Ylli Hoxha në “Debat Plus” me Ermal Pandurin në RTV Dukagjini ka thënë  se ka një avancim me rritjen e pagës minimale.

“Edhe paga 250 euro nuk mund të quhet e mjaftueshme edhe nëse punojnë dy persona. Por përcaktimi pagës minimale nuk është çështje vullneti por edhe mundësi reale që ka ekonomike. Përcaktimi i një page shumë më të lartë do të ndikonte në rritje të tjera të çmimeve”.

Hoxha thotë se Kosova qëndron njëjtë me rajonin sa i përket edhe vendeve të rajonit.

“Serbia ka pagë minimale 344 euro, Mali i Zi 331 euro, Shqipëria 213 euro, Maqedonia e Veriut 282 euro. Edhe paga minimale e Kosovës prej 264 euro është e kësaj linje”.

Lexo po ashtu Qeveria miraton pagën minimale, 250 euro neto

Hoxha thotë se duhet të ketë një rregull edhe për ngritjen automatike të pagës minimale varësisht nga rritja ekonomike.

“Nëse shkohet përtej mundësive të biznesit rritja e pagës ndikon në ekonominë e vendit. Mund të shkaktohen shumë dëme në biznese nëse nuk rriten ndjeshëm çmimet e produkteve të tyre”, deklaroi Hoxha./Telegrafi/