Hotelet londineze i rritin çmimet përpara funeralit të Mbretëreshës Elizabeth II

Çmimet e hoteleve në kryeqytet britanik po vazhdojnë të rriten me afrimin e funeralit të Mbretëreshës Elizabeth II.

Njerëzit që rezervojnë një dhomë në Londër për të dielën – një natë para shërbimit – po tarifohen qindra euro më shumë se zakonisht në këtë periudhë kohore.

Qindra mijëra njerëz pritet të vijnë në rrugët e kryeqytetit gjatë funeralit në Westminster Abbey.

Dhoma më e lirë në Park Plaza County Hall – një nga hotelet më të afërt me Westminster Abbey – të dielën në mbrëmje kushton 1146 euro krahasuar me 307 euro – shtatë ditë më vonë.

Crowne Plaza Albert Embankment po paguan 620 pounds (710 euro) në prag të funeralit, raporton skynews.

Kjo është gati dy herë e gjysmë më shumë se të dielën e 25 shtatorit, kur çmimi është 252 pounds (290 euro).

Dhomat në Novotel Waterloo kushtojnë 500 funte (573 euro) të dielën dhe 241 pounds (276 euro) një javë më vonë.

Shumë hotele pranë Westminster Abbey në pronësi të zinxhirëve me çmime më të ulëta si Premier Inn dhe Travelodge janë rezervuar plotësisht për të dielën mbrëma.

Premier Inn nuk ka asnjë dhomë në disa nga pronat e tij, duke përfshirë County Hall, Waterloo (Ura Westminster) dhe Sheshi Leicester. /Telegrafi/