Pep Guardiola kishte vetëm lëvdata për lojtarët e Manchester City, pasi ia dolën të përmbysnin rezultatin ndaj Aston Villës në 3-2, për t’u rikonfirmuar kampion.

Citizens ishin duke humbur 2-0, por ia dolën që të përmbysnin shifrat dhe të fitonin trofeun e dytë me radhë.

Pas ndeshjes, Guardiola deklaroi se ata janë legjendarë dhe se lojtarët e tij janë shumë të veçantë.

Dikush përgënjeshtroi se Aston Villa kishte barazuar rezultatin ndaj Cityt, shikoni festën 'dëshpërues' të tifozëve të Liverpoolit Dikush përgënjeshtroi se Aston Villa kishte barazuar rezultatin ndaj Cityt, shikoni festën 'dëshpërues' të tifozëve të Liverpoolit

“Momenti që gjetëm golin e parë ndryshoi çdo gjë. Kemi luajtur në kushte jo normale, por duhet ta përballojmë. Ne jemi legjenda”, ka deklaruar fillimisht ai.

“Kur e fiton Ligën Premier katër herë brenda pesë vjetësh atëherë është e qartë se këta djem janë shumë, shumë të veçantë. Ne do të mbahemi mend”.

Manchester City konfirmohet kampion i Ligës Premier për të dytin sezon radhazi - fitore me përmbysje ndaj Aston Villës Manchester City konfirmohet kampion i Ligës Premier për të dytin sezon radhazi - fitore me përmbysje ndaj Aston Villës

“Titullin e parë e fituam me dallim të madh pikësh. Më pas në Brighton, më pas në shtëpi pa shikues. Tani me njerëz në stadium, është më i miri. E thirra Real Madridin dhe ata më dhanë një këshillë të mirë”.

“Madhështia e të arriturës definohet nga madhësia e rivalit tuaj. Nuk kam parë asnjëherë një ekip si Liverpooli. E di që është e vështirë, por urime për Liverpoolin. Na ka ndihmuar të jemi ekip më i mirë”, ka shtuar më tej Guardiola. /Telegrafi/