Gruas së cilës iu shkatërrua shtëpia nga aksidenti që shkaktoi Anne Heche, reagon pas vdekjes së aktores

Lynne Mishele është pronarja e shtëpisë ku Anne Heche pësoi aksidentin e frikshëm, gjersa prona mori zjarr menjëherë pas përplasjes.

Tani ajo ka bërë një reagim në rrjete sociale duke shprehur ngushëllime për vdekjen e aktores për shkak të komplikimeve pas aksidentit.

Mishele tha: “Lajmi për vdekjen e Anne Heche është i tmerrshëm. Familja, miqtë dhe fëmijët e saj, veçanërisht, me të vërtetë kanë pësuar një humbje të madhe dhe zemra ime është me ta”.

View this post on Instagram

A post shared by Creative Organization (@creativeorganization)

“E gjithë kjo situatë është thjesht tragjike dhe me të vërtetë nuk ka fjalë. Unë po dërgoj dashuri për të gjithë të përfshirët”, tha tutje ajo.

E njëjta kishte thënë më parë se ishte jashtëzakonisht me fat që i mbijetoi aksidentit, meqë ndodhej në një pjesë tjetër të shtëpisë.

Lexo po ashtu Vdes aktorja Anne Heche, një javë pas aksidentit famëkeq me veturë

Ndërkohë që policia e Los Angelesit po hetonte situatën, e ndjera thuhej se ishte nën ndikimin e substancave narkotike.

Anne Heche vdiq dy ditë më parë për shkak të lëndimeve nga përplasja me makinë, u tha se ajo pësoi “një dëmtim të rëndë anoksik të trurit”.

Një burim i tha Page Six se “Anne kishte një zemër të madhe dhe preku këdo që takonte me shpirtin e saj bujar. Më shumë sesa talenti i saj i jashtëzakonshëm, ajo e shihte përhapjen e mirësisë dhe gëzimit si punën e jetës së saj”.

“Ajo do të mbahet mend për ndershmërinë e saj dhe do të na mungojë të gjithëve”.

Anne është njohur edhe për lidhjen që kishte me prezantuesen Ellen DeGeneres. /Telegrafi/