Talenti i Manchester Unitedit, Mason Greenwood është lojtari i fundit që ka thënë fjalën e tij në debatin më të gjatë të futbollit se cili është më i mirë mes Cristiano Ronaldos dhe Lionel Messit.

Debati i vjetër midis dy më të mëdhenjve të futbollit modernë, të cilët kanë 11 Topa të Artë së bashku, nuk ka të ngjarë të zhduket kurrë.

Edhe me Messin si 34-vjeçar dhe Ronaldon si 36-vjeçar, nuk ka gjasa që ne të ndalojmë së debatuari se cili është më i mirë edhe kur ata të dalin në pension.

Harrojeni Jorginhon dhe të tjerët: Topi i Artë i takon Messit për aq sa vazhdon të luajë Harrojeni Jorginhon dhe të tjerët: Topi i Artë i takon Messit për aq sa vazhdon të luajë

Një lojtar që do të shpresojë të marrë fanellën e një prej më të mirëve në botë një ditë është sulmuesi i Unitedit, Greenwood, i cili me vetëm 19 vjet është tashmë një titullar i rregullt i ekipit të Ole Gunnar Solskjaer.

Adoleshenti anglez nuk ka ndonjë paragjykim as ndaj Ronaldos, me gjithë qëndrimin e tij në Old Trafford, me Greenwood që në të vërtetë zgjedh Messin.

“Për mua, gjithmonë duhet të jetë Messi. Për mua, ai është thjesht nga një planet tjetër”, ka thënë fillimisht Greenwood për MUTV.

“Ronaldo është padyshim i mahnitshëm, një futbollist fizik, atlet i shkëlqyeshëm. Por, për të bërë atë që Messi bën në madhësinë e tij, atë që ai ka bërë për Barcelonën dhe fitimin e këtij trofeu për Argjentinën, ai është thjesht në një nivel tjetër”, përfundoi anglezi.

Dhjetë lojtarët me më shumë trofe të fituar në shekullin XXI – Messi i treti, Ronaldo i shtati Dhjetë lojtarët me më shumë trofe të fituar në shekullin XXI – Messi i treti, Ronaldo i shtati

Greenwood ishte duke iu referuar trofeut të Copa America që legjenda e Barçës fitoi së fundmi me Argjentinën, trofeu i tij i parë me vendin në një turne të madh që nga viti 1993.

Mungesa e suksesit të gjashtë herë fituesit të Topit të Artë me ekipin kombëtar ishte një nga gjërat e pakta që ishin ‘kundër’ në debatin ndaj Ronaldos, veçanërisht pas triumfit të portugezit në Euro 2016. /Telegrafi/