Dhjetë lojtarët me më shumë trofe të fituar në shekullin XXI – Messi i treti, Ronaldo i shtati

Lionel Messi fitoi trofeun e tij të parë të madh me Argjentinën fundjavën e fundit, pasi mposhten Brazilin me rezultat 1-0 në finale.

Vendi i super yllit të Barcelonës siguroi një fitore 1-0 ndaj Brazilit në finalen e Copa America 2021 falë një goli në pjesën e parë nga Angel Di Maria.

Ishte një mbrëmje emocionuese për Messin dhe vendin e tij të dashur, pasi i dha fund pritjes së tyre të zymtë në finalet e turneve të mëdha ndërkombëtare.

Para suksesit të tyre në Maracana Stadium në Rio de Janeiro, Argjentina kishte humbur katër finalet e tyre të fundit, përfshirë tre në tre vjet midis 2014 dhe 2016.

Por, thatësira e trofeve më në fund ka përfunduar dhe triumfi i fundit i kombit të Amerikës së Jugut ishte titulli i 38-të i karrierës së pabesueshme të Messit.

Kjo do të thotë që 34-vjeçari tani është i treti në listën e lojtarëve me më shumë trofe të fituar në shekullin 21.

Messi tani është tre trofe larg rivalit të tij të përjetshëm Cristiano Ronaldo dhe është vetëm katër larg nga barazimi me totalin e Dani Alvesit, i cili aktualisht zë vendin e parë si lojtari më i trofeshëm në histori.

Më poshtë keni listën me dhjetë lojtarët më të trofeshëm të shekullit 21 sipas Transfermarkt:

10.Zlatan Ibrahimovic – 32 trofe

9.Arjen Robben – 32 trofe

8.Sergio Busquets – 34 trofe

7.Cristiano Ronaldo – 35 trofe

6.Gerard Pique – 37 trofe

5.Hossam Ashour – 37 trofe

4.Maxwell – 37 trofe

3.Lionel Messi – 38 trofe

2.Andres Iniesta – 39 trofe

1.Dani Alves – 42 trofe

/Telegrafi/