Granit Xhaka ka dërguar një paralajmërim transferimi teksa mësohet truku i Mikel Artetas

Arsenalit i ka mbetur vetëm një ndeshje nga ky sezon i Ligës Premier dhe do të synojë ta mbyllë me një rezultat pozitiv.

Topçinjtë ishin në krye të tabelës për pjesën më të madhe të edicionit, por nuk ishin në gjendje të mbanin atë deri në fund, duke e lënë Manchester Cityn ta mbrojë titullin. Ndeshja përfundimtare e sezonit të Gunners i është kundër Wolves.

Ndërsa ndeshjet përfundojnë, më pas fillon puna që Mikel Arteta dhe stafi i tij të planifikojnë për sezonin e ardhshëm – duke filluar nga afati i transferimeve.

Xhaka ka dërguar paralajmërim për transferim

Granit Xhaka ka paralajmëruar se mund t’i mungojë Arsenalit më shumë nga sa e pret, ndërsa ai është afër kalimit te Bayer Leverkusen.

Mesfushori shqiptar me pasaportë zvicerane thuhet se ka pranuar ofertën e skuadrës gjermane dhe ka po ashtu mbështetje nga bashkëshortja e tij që të rikthehen në Bundesligë – aty ku më parë kishte luajtur për Borussia Monchegladbachun.

Zbulohet truku i Artetas

Trajneri i Arsenalit bëri një mashtrim për të frymëzuar skuadrën e tij për një fitore të paharrueshme në Derbin e Londrës së Veriut këtë sezon.

Sipas The Telegraph, spanjolli u ka fshehur monedha në atletet e lojtarëve.

Spanjolli kthehej n dhomën e zhveshjes për të parë se cilët lojtarë ishin të vëmendshëm dhe e kishin larguar monedhën nga atletet.

Truku kishte për qëllim të tregonte se Arteta dhe stafi i tij e njihnin skuadrën nga afër dhe do të ishin në gjendje të identifikonin nëse fshihnin diçka. /Telegrafi/