Taulant Xhaka e ka shënuar golin e parë me fanellën e Shqipërisë dhe ai kishte vlerën e tri pikëve.

Mesfushori i Baselit është i lumtur që i dha fitoren skuadrës por vëmendja e tij shkon menjëherë te Skocia.

“Në pjesën e dytë, më erdhi rasti, dhe shënova. Jam shumë i kënaqur, sepse është goli im i parë në Kombëtare, dhe arritëm një fitore shumë të rëndësishme”.

Ai u pyet edhe për polemikat me Panuccin që i kishte në fillim të punës së tij.

“Nuk ka qenë polemikë. Merremi vesh shumë mirë me të. Ai më ka dhënë një besim, dhe unë ia shpërbleva me gol”.

“Ndeshja ka qenë shumë e mirë, por kemi luajtur futboll. Nuk kemi përdorur topa të gjatë. Tani, na pret një ndeshje komplet tjetër ndaj Skocisë”, deklaroi ai.