Mbrëmë janë zhvilluar gjashtë ndeshje në ligën më të fortë të basketbollit në botë.

Golden State Warriors ka shënuar fitoren e radhës në rrugën drejt mbrojtjes së titullit të kampionit të NBA-së.

‘Luftëtarët’ triumfuan para shikuesve të vetë në Oracle Arena kundër Indiana Pacers me rezultat 112:89.

Çereku i dytë dhe i treti ishte fatal për mysafirët pasi që vendasit krijuan epërsi të thellë prej 26 pikëve, gjë që ishte e paarritshme për ‘paqësorët’.

Basketbollisti më efikas te fituesi ishte DeMarcus Cousin që regjistroi ‘double-double’ në saje të 19 pikëve dhe 11 kërcimeve gjersa Klay Thompson shtoi 18 sosh.

Te Indiana më i miri në parket ishte Tyreke Evans me njëzet pikë ndërsa dy më pak i shtoi Thaddeus Young.

Pas kësaj, Golden State vazhdon të mbetet lider i Konferencës Perëndimore ndërsa Pacers zë pozitën e katërt në Konferencën Lindore. /Telegrafi/

Rezultatet tjera:

Charlotte 113:106 Minnesota

Washington 108:113 Denver

Atlanta 117:114 Utah

Phoenix 98:118 Detroit

Sacramento 116:100 Dallas