0Shares

Klubi i New York Cosmos nuk është më atraksioni që ka qenë dikur.

Kjo për shkak se dikur skuadra më e famshme e New Yorkut tash bën pjesë në kategorinë e katërt amerikane, National Premier League Soccer, pa ndonjë yll të madh në skuadër.

Por, kjo skuadër di edhe tash të ketë nganjëherë momentet e veta mjaft tërheqëse.

Dhe për këtë është siguruar Rafael Garcia (dikur pjesë e LA Galaxy) i cili shënoi golin e dytë të ndeshjes ndaj Brooklyn Italians.

Garcia i kishte dhënë Cosmosit epërsinë me një goditje prej jashtë zonës, por që u barazua nga italianët vetëm pak minuta më vonë.

Por, menjëherë pasi ri-filloi loja nga mesi i fushës, ishte Garcia ai që lansoi një goditje fantastike prej vijës së gjysmës së fushës për të rikthyer epërsinë… brenda pak sekondave!

Portieri duket se ishte i përgjumur në këtë moment dhe nuk ja doli që të intervenojë në këtë rast.

Vërtet një gol i shpejt dhe spektakolar, i cili rrallë shihet në futboll. /Telegrafi/

Të Ngjajshme
Shfaq Komentet (0)