Luka Modric tregoi se ai ka ende magji në këmbët e tij, ndërsa prodhoi një gol mahnitës për Kroacinë kundër Skocisë.

Kroacia fitoi me rezultat 3-1 ndaj Skocisë në ndeshjen e fundit të Grupit D në Euro 2020, duke siguruar kualifikimin në raundin tjetër.

Golat për kroatët u shënuan nga Nikola Vlasic (17’), Modric (62’) dhe Ivan Perisic (77’), ndërsa për skocezët shënoi Callum McGregor (42’).

Notat e lojtarëve: Kroacia 3-1 Skocia, shkëlqimi i Modric Notat e lojtarëve: Kroacia 3-1 Skocia, shkëlqimi i Modric

Megjithatë, goli më i përfolur i mbrëmjes padyshim se ishte ai i Modric, i cili ia riktheu epërsinë Kroacisë.

Ylli i Real Madridit shtangu të gjithë me një goditje magjike me pjesën e jashtme të këmbës së tij të djathtë dhe çuar topin në këndin e sipërm të portës, duke mos i dhënë asnjë mundësi intervenimi portierit kundërshtar.

Fituesi i Topit të Artë edhe pse 35-vjeçar tregoi se ai ka ende klasë në këmbët e tij, pasi u tregua vendimtar në ndeshjen kryesore të Kroacisë, duke ia siguruar kualifikimin. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >