LAJMI I FUNDIT:

Gjithçka që duhet të dini për natën finale të ‘Eurovision 2019’ dhe prezantimin e Shqipërisë, Jonida Maliqi: Pres mbështetjen tuaj

Gjithçka që duhet të dini për natën finale të ‘Eurovision 2019’ dhe prezantimin e Shqipërisë, Jonida Maliqi: Pres mbështetjen tuaj
Jonida Maliqi (Foto: Michael Campanella/Getty Images/Guliver)

Eurovisioni është ngjarja më e madhe e muzikës e cila shënohet në Evropë.

Plot 26 shtete janë në garën e madhe të natës finale sonte (e shtunë) për të marrë trofenë e shumëdëshiuar nga secili artist.

Telegrafi me këtë rast ju sjell një përmbledhje të veçantë me ato që ju nevojitet t’i dini për natën e sotme.

Ku dhe kur mbahet?

“Tel Aviv-Yafo”. vendi ku po mbahet “Eurovision 2019” (Foto: Wikipedia)

Izraeli është shtet nikoqir i festivalit sivjet, kjo pasi vitin e kaluar, artistja izraelite Netta u shpall fituese e “Eurovision”-it me këngën “Toy”.

Edicioni i 64-të i festivalit evropian po mbahet në qytetin e Tel Avivit, përkatësisht në “Tel Aviv-Yafo”.

Nata finale transmetohet në të gjitha kanalet shtetërore të Evropës, përfshirë edhe atë të Australisë.

Shqipëria

Shqipëria është një nga shtetet finaliste tashmë të “Eurovision 2019”.

Nga 16 pjesëmarrje ndër vite të shtetit shqiptar në këtë festival, plot nëntë janë rastet e kualifikimit të Shqipërisë për në finale.

Artistja shqiptare Jonida Maliqi është përfaqësuesja e sivjetme në festivalin e madh evropian me këngën e saj “Ktheju Tokës”, të cilën do ta interpretojë edhe sonte (e shtunë) në natën finale.

Jonida do të këndojë në këtë mbrëmje e dyta me radhë, dhe do ta këndojë në gjuhën amtare këngën e saj.

Emocionet e Jonda Maliqit

Jonida Maliqi në provat gjenerale për finalen e “Eurovision 2019” (Foto: Michael Campanella/Getty Images/Guliver)

Në një intervistë për Telegrafin, Jonida ka rrëfyer fabulën e këngës së saj të veçantë, e cila lidhet me atdhedashurinë.

“Ky projekt ashtu sikurse tanimë e dinë të gjithë ka qenë i rastësishëm që nga pjesëmarrja ime pas 11 vjetësh në Festivalin e Këngës në RTSh, ashtu sikurse unë bashkë me autoren vendosëm një tematikë të tillë pasi ishte dhe aktuale dhe i qëndronte më së miri melodisë së këngës”, ka thënë Jonida Maliqi për Telegrafin.

Jonida Maliqi në provat gjenerale për finalen e “Eurovision 2019” (Foto: Michael Campanella/Getty Images/Guliver)

Ndërkohë, pak para se të ngjitet në skenën e madhe të “Eurovison 2019”, Jonida thotë për Telegrafin se emocionet janë të pranishme, por që mbështetja e shqiptarëve është më e rëndësishmja për të.

Intervista e Jonida Maliqit për Telegrafin rreth pjesëmarrjes së saj në Eurovision 2019
Lexo po ashtu Intervista e Jonida Maliqit për Telegrafin rreth pjesëmarrjes së saj në Eurovision 2019

“Është normale të kemi emocione,por kemi punuar fort dhe tashmë jam gati për sfidën e madhe. Kënga ime është një këngë që përfaqëson më së miri shqiptarët jashtë trevave shqiptare, ata që ndodhen kudo nëpër botë. Kështu që nëse ndjejnë sadopak që nga ritmika, etnika, domethënia dhe vetë melodia do të isha e lumtur të më suportonin dhe ta votonin këngën shqiptare”, ka thënë artistja Maliqi për Telegrafin.

Votimi

Duke qenë se është e dyta në garë, si rrjedhojë ajo mban kodin “02”, përmes së cilit shqiptarët nga diaspora mund të votojnë përmes numrave përkatës të shtetit ku ata ndodhen.

Të drejtë votimi kanë edhe shqiptarët që ndodhen në Australi, teksa maksimumi i votave që një individ mund të japë është deri në 20 (njëzet).

Votat e publikut mbajnë 50 për qind të peshës, ndërkohë që 50 për qind është pesha e jurisë profesionale, e formuar nga secili shtet që do të gjykojë këngët finaliste.

Kartolina e veçantë e përgatitur për prezantimin e Shqipërisë në "Eurovision 2019"
Lexo po ashtu Kartolina e veçantë e përgatitur për prezantimin e Shqipërisë në "Eurovision 2019"

Juria shqiptare sivjet përbëhet nga: Anxhela Peristeri, Eranda Libohova, Dilan Reka, Gent Rushi, dhe Julka Gramo.

Votimi për publiun hapet në përfundim të të gjitha performancave dhe zgjat vetëm 15 minuta – ndërkohë që mund të votohet edhe përmes aplikacionit “Eurovision”, për ata që e kanë të shkarkuar në telefonin e tyre.

Kodet përkatëse nga secili shtet për të votuar Jonida Maliqin në natën finale të “Eurovision 2019” (Foto: Eurovision Albania)

Në fund të mbrëmjes shpallen rezultatet, fillimisht votat e jurisë jepen nga secili shtet të konvertuara nga 1 deri në 7 pikë në renditje të plotë, dhe më pas me 8 pikë për vendin e tretë, 10 për vendin e dytë dhe 12 pikë për vendin e parë.

Pas votimit të jurisë, publikohet i kalkuluar edhe votimi i publikut, i cili jep vulën përfundimtare se kush do ta fitojë këtë kompeticion.

Renditja e shteteve finaliste

Renidtja e shteteve dhe kodet përkatëse të votimit (Foto: Eurovision Ario)

Njëzet shtete arritën që të kualifikohen në natën finale si rezultat i votave që arritën të marrin nga dy mbrëmjet gjysmë-finale të zhvilluar të martën dhe të enjten.

Ndërkohë, pesë shtetet në fuqi si: Spanja, Mbretëria e Bashkuar, Gjermania, Italia, Franca së bashku me Izraelin (fitues i edicionit të kaluar), janë shtete të kualifikuara automatikisht në finale.

Përndryshe, kjo është renditja shteteve që do të këndojnë sipas radhës sonte (e shtunë), në natën finale të “Eurovision 2019”:

1. Malta
2. Shqipëria
3. Republika Çeke
4. Gjermania
5. Rusia
6. Danimarka
7. San Marino
8. Macedonia e Veriut
9. Suedia
10. Sllovenia
11. Qipro
12. Holanda
13. Greqia
14. Izraeli
15. Norvegjia
16. Mbretëria e Bashkuar
17. Islanda
18. Estonia
19. Bjellorusia
20. Azerbajxhani
21. Franca
22. Italia
23. Serbia
24. Zvicra
25. Australia
26. Spanja.

E ftuara speciale – Madonna

Madonna (Foto: Ezra Shaw/Getty Images/Guliver)

“Eurovision”-i sivjet ka menduar një numër special për miliona shikuesit në natën finale të së shtunës.

Pop ylli i muzikës, Madonna, është emri i përzgjedhur nga organizatorët e festivalit, që do të ngjitet sonte (e shtunë), dhe do të këndojë para miliona teleshikuesve.

Me gjithë aludimet se performanca e saj rrezikohej për shkak të nënshkrimit të kontratës me vonesë, artistja Madonna arriti në Izrael dhe ka përfunduar tashmë provat për performancën e madhe.

Ajo gjatë mbrëmjes finale do t’i këndojë dy këngë, sipas marrëveshjes të bërë me organizatorët e festivalit. /Telegrafi/

“Guxo të ëndërrosh” – motoja zyrtare e “Eurovision 2019” (Foto: Eurovision.tv)

Në trend Magazina

Më shumë
Momenti kur roja i sigurisë së Dua Lipës e ndalon fansen që të fotografohet me të - ia gjuan telefonin në tokë

Momenti kur roja i sigurisë së Dua Lipës e ndalon fansen që të fotografohet me të - ia gjuan telefonin në tokë

Magazina

"E spërkat me ujë dhe nuk ia lëshon rrugën" - Meriton Mjekiqi ndërhyn në përplasjen e ashpër të Eglës me Ilnisën

Magazina
'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

Magazina
Pajtohen Heidi dhe Romeo - puthje e përqafime mes çiftit në Big Brother

Pajtohen Heidi dhe Romeo - puthje e përqafime mes çiftit në Big Brother

Magazina
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Magazina
Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Magazina
Kalo në kategori