Gjesti i jashtëzakonshëm nga Blaszczykowski, pranon të luajë pa para te Wisla dhe t’ua paguajë borxhin që mos të falimentojë klubi

Wisla Krakow është njëra nga skuadrat më të mëdha në shtetin e Polonisë.

Por 13 herë kampionët e Polonisë janë duke kaluar nëpër një krizë financiare dhe ishin afër bankrotimit.

E për të mos ardhur deri tek shuarja e klubit ka menduar ish-lojtari i sajë, Jakub Blaszczykowski.

Mesfushori 33-vjeçar ditë më parë ka ndërprerë kontratën me klubin gjerman Wolfsburg për tu rikthyer në vendlindjen e tij.

Tani mediat polake kanë raportuar se Kuba do të rikthehet te Wisla Krakow dhe ka pranuar se nuk do të marrë asnjë para sa të është pjesë e klubit.

Reprezentuesi polak nuk do ta ndihmojë vetëm në këtë mënyrë klubin e tij ku luajti në vitet 2005-2007 para se të transferohej në Bundesliga.

All respect to our Kuba, who is on the verge of joining his boyhood club Wisla Krakow without pay and has assisted them financially to help revive the Polish side 💛👏🏼 pic.twitter.com/IkRdWobzFy

— Borussia Dortmund (@BlackYellow) January 12, 2019

Blaaszczykowski do ta paguajë edhe borxhin prej 300 mijë funteve që skuadra e tij i ka futbollistëve për rroga të pa dhëna.

Ky gjest i Kubas ka bërë jehonë të madhe në shtetin polak dhe atë gjerman.

Së fundmi ka qenë edhe ish-klubi i Kubas, Borussia Dortmund që ka përshëndetur gjestin e lojtarit nëpërmjet Twitterit.

“Gjithë respekti për Kuban tonë, i cili është afër që të bashkohet me klubin e tij të fëmijërisë dhe i ka ndihmuar ata financiarisht për ta ringjallur klubin polak”, thuhej në postimin e Dortmundit në Twitter.

33-vjeçari është një legjendë në Poloni, pasi ka zhvilluar 105 ndeshje me Kombëtaren polake ku ka shënuar edhe 21 gola.

Ai gjatë karrierës jashtë vendlindjes ka luajtur për Dortmundin, Fiorentinën dhe Wolfsburgun. /Telegrafi/