Gary Neville kritikon Antonyn për mungesë të disiplinës gjatë derbit të Mançesterit

Gary Neville e kritikoi sulmuesi brazilian Antony për paraqitjen e tij gjatë derbit të Mançesterit.

Manchester City mposhti Manchester United 3-0 në “Old Trafford”, pas dygolëshit të Haaland dhe një tjetër të Phil Foden.

Por përveç rezultatit të thellë që ra në sy, gjatë zhvillimit të ndeshjes pati një moment të pakëndshëm ku i përfshirë ishte anësori Antony.

Braziliani i cili u fut në lojë në pjesën e dytë, bëri një ndërhyrje të ashpër tek Jeremy Doku i mysafirëve në mintuën e 92-të.

Kur Doku më pas u përball me Antonyn, ylli i United me shumë nervozizëm goditi dorën e tij.

Ndonëse, ai u ndëshkua me karton të verdhë për atë gjest, tifozët në rrjetet sociale shprehën mendimin se ai duhej të përjashtohej nga loja me të kuq.

Antony vs. Doku 😳#MUNMCI pic.twitter.com/rA99FOsQw9

— Insite b/t 4 Football (@ibt4f) October 29, 2023

Një tjetër që ishte i zemëruar me sjelljen e Antonyt ishte edhe ish-lojtari i Man United, Gary Neville.

“Antony sapo bëri një goditje tek Doku. Man Utd ka humbur disiplinën e tyre dhe kjo fillon që nga kapiteni i tyre. Qesharake dhe e turpshme nga Antony, unë thjesht do ta përjashtoja atë”, u shpreh Neville nga studio e Sky Sports.

City është në vendin e tretë, pasi ka fituar tani gjashtë nga tetë derbit e fundit në të gjitha garat, ndërsa United është në vendin e tetë, tashmë tetë pikë larg pozitës që të siguron kualifikimin në Ligën e Kampionëve./Telegrafi/