Galtier nuk mund të thotë nëse Skriniar do t’i bashkohet PSG-së në janar ose korrik

Trajneri i Paris Saint-Germain, Christophe Galtier ka lënë të kuptohet se mbrojtësi i Interit, Milan Skriniar do të transferohet, por nuk dihet ende nëse në këtë afat kalimtar apo në atë të verës.

Qendërmbrojtësi i ka thënë Interit se nuk do të nënshkruajë ofertën e re të kontratës, kështu që është i lirë të shqyrtojë alternativa të tjera, pasi marrëveshja e tij do të përfundojë më 30 qershor.

Raportohet se ai tashmë ia ka dhënë fjalën PSG-së, e cila tashmë ishte përpjekur ta afronte verën e kaluar dhe pa oferta prej rreth 60 milionë euro të refuzuara nga Nerazzurrët.

Lexo po ashtu Skriniar i thotë Interit se nuk do të nënshkruajë kontratën e re

I pyetur për situatën në konferencën e tij për shtyp, Galtier nuk e maskoi marrëveshjen në prapaskenë me Skriniar.

“Pashë informacionin që ishte në gazeta, por nuk mund të them nëse ai do të vijë në këtë afat kalimtar apo gjatë verës”.

“Nuk mund ta them këtë. Drejtorët po punojnë për këtë dhe unë duhet të mbetem i përqendruar te lojtarët”, ka thënë Galtier.

Skriniar al Paris Saint-Germain? Galtier: “Non posso dire se verrà a gennaio o in estate” https://t.co/2cDPCkf3re

— TUTTOmercatoWEB (@TuttoMercatoWeb) January 21, 2023

Skriniar ka qenë gjithashtu i lidhur me Tottenham Hotspur, Chelsea dhe tjera skuadra, por PSG ishte gjithmonë favoriti absolut për të marrë nënshkrimin e tij pas miqësisë së tyre të hapur në fillim të sezonit.

Nëse ai shitet në afatin kalimtar të janarit, atëherë Interi mund të paktën të shmangë humbjen e tij si lojtar i lirë në korrik, por gjithashtu do të ketë shumë pak kohë për të gjetur një zëvendësues të përshtatshëm. /Telegrafi/