LAJMI I FUNDIT:

Fuqitë e përfshira në konfliktin në Libi ranë dakord për një armëpushim dhe një embargo armësh

Fuqitë e përfshira në konfliktin në Libi ranë dakord për një armëpushim dhe një embargo armësh

Gjatë një takimi në Berlin, partnerët e qeverisë libiane të mbështetur nga Kombet e Bashkuara dhe ata që mbështesin rebelët (e ngritur në vitin 2014) përparuan drejt një “zgjidhjeje politike”. “Unë nuk kam iluzione; do të jetë një rrugë e vështirë”, tha kancelarja gjermane Angela Merkel, pritëse e ngjarjes.

Vendet që mbështesin Qeverinë e Libisë të mbështetur nga KB dhe ajo e forcave rebele në Tobruk, arritën një marrëveshje këtë të diel për ta bërë efektiv armëpushimin e filluar një javë më parë dhe embargoja e armëve u dekretua nga Kombet e Bashkuara, gjatë një takimi në Gjermani, transmeton Telegrafi.


Marrëveshja u nënshkrua në një konferencë ndërkombëtare për Libinë në Berlin, të organizuar nga Qeveria gjermane dhe Kombet e Bashkuara, konferencë ku morën pjesë edhe presidenti i Qeverisë së Marrëveshjes Kombëtare (GNA) i Libisë, Fayed al Serraj, i mbështetur nga Turqia, dhe kreu i Ushtrisë Kombëtare Libiane (LNA), Jalifa Haftar, i mbështetur nga Rusia.

“Mund të thuhet se Konferenca Libiane jep një kontribut të rëndësishëm në përpjekjet e paqes”, tha kancelarja gjermane, Angela Merkel, në një konferencë shtypi në fund të konferencës.

Sipas Merkel, “nuk ka mundësi për një zgjidhje ushtarake”. “Ne kemi nevojë për një zgjidhje politike”, shtoi kancelarja, e cila ka arritur për herë të parë të mbledhë në një konferencë të gjithë aktorët përkatës në këtë konflikt, kombëtar dhe ndërkombëtar.

Është një plan “i përgjithshëm” dhe “detyrues” që “nuk zgjidh të gjitha problemet”, por jep një “nxitje” drejt një zgjidhjeje diplomatike. “Unë nuk kam iluzione; do të jetë një rrugë e vështirë”, shtoi kancelarja, përcjell Telegrafi.

Merkel theksoi se embargoja e armëve duhet të “kontrollohet shumë” për pajtueshmëri dhe se e gjithë kjo marrëveshje, që ajo të jetë e vlefshme ndërkombëtarisht, tani duhet të miratohet nga Këshilli i Sigurimit i Kombeve të Bashkuara.

Dokumenti është i angazhuar për një armëpushim “të qëndrueshëm” dhe “të verifikueshëm” dhe i nxit të gjithë aktorët që “në mënyrë unike” të respektojnë embargon e armëve. Ata gjithashtu kërkohet të mos kontribuojnë në përshkallëzimin e konfliktit.

Në këtë konferencë morën pjesë edhe presidenti francez, Emmanuel Macron, Vladimir Putin, Rexhep Tajip Erdogan; kryeministri italian, Giuseppe Conte, Boris Johnson, si dhe Sekretari i Shtetit Amerikan, Mike Pompeo, dhe presidenti egjiptian, Abdelfatah al Sisi.

Marshal Haftar udhëheq forcat rebele siriane me qendër në Tobruk dhe mbështetet nga Rusia, Arabia Saudite, Egjipti dhe Emiratet e Bashkuara Arabe, ndërsa Parisi dhe Uashingtoni e mbështesin atë politikisht.

Al Serraj GNA, ndërkohë, është i vendosur në kryeqytetin libian Tripoli dhe është mbështetur politikisht dhe financiarisht nga Bashkimi Evropian, Kombet e Bashkuara, Italia dhe Katari, dhe merr mbështetje ushtarake nga Turqia, në shkelje të embargos së armëve. /Telegrafi/

Në trend Botë

Më shumë
Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët

Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët

Bosnja
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan

Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan

Evropa
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën

Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën

Botë
Pamje të Dubait nga hapësira – ja si dukej, para dhe pas përmbytjeve

Pamje të Dubait nga hapësira – ja si dukej, para dhe pas përmbytjeve

Botë
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët

Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët

Evropa
E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë

E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë

Botë
Kalo në kategori