Për shumë ne ndeshja mes Ajaxit dhe Juventusit në Ligën e Kampionëve ishte thjesht një ndeshje, por për djaloshin Tyago Starren ishte diçka speciale.
Ai ishte shoqëruesi i Leonardo Bonuccit, por për fatin e tij të mirë gjatë intonimit të himnit të LK-së kishte fatin të qëndronte afër Cristiano Ronaldos.
CR7 ia dha djaloshit një përshëndetje dhe e gjitha kjo u bë hit në internet dhe media, tani rreth kësaj ndodhie të bukur ka folur djaloshi dhe babai i tij, duke treguar historinë e tyre.
"E shikova Ronaldon, ai po rrinte dhe më preku prapa veshit. Mendova se ishte normale, por sot kur e mendoj them "çfarë?".
"Mendova që po ëndërroj. Ua tregova videon të gjithëve në shkollë", ka thënë Tyago.
E gjitha kjo është emocionuese dhe speciale edhe për atin e djaloshit, i cili tha: "Sigurisht që jam shumë krenar. Ishte një moment rrëqethës . Tani telefoni im pothuajse ka shpërthyer nga mesazhet", ka thënë François për RTL Nieuws. /Telegrafi/
