Finlanda merr fitore historike ndaj Danimarkës – në ndeshjen që shkaktoi panik të madh në botën e futbollit

Finlanda ka shënuar fitore ndaj Danimarkës me rezultat 1-0, në një ndeshje që për disa minuta u kthye në momente të frikshme. 

Ndeshja më e ndjerë deri më tani në Kampionatin Evropian ishte ajo me Danimarkës dhe Finlandës, pasi u kthye në një ndeshje të frikës, kur ylli danez Christian Eriksen u rrëzua në tokë.

Ndeshja ishte ndërprerë në minutën e 43-të pasi që mjekët për 10 minuta i qëndruan mbi kokë yllit danez që po luftonte me vdekjen.

Por pas disa një ore e gjysmë, ndeshja u vendos të zhvillohej, pas marrëveshjes mes dy kombëtareve.

Deri në momentin e ndërprerjes, Danimarka ishte shumë e më e mirë, duke rrezikuar disa herë.

Jonas Older Wind, Pierre-Emile Hojbjerg, Christian Eriksen dhe Martin Braithwaite kishin raste të mira, por portieri Lukas Hradecky ishte kthyer në hero për finlandezët.

Pjesa e dytë ishte krejt ndryshe, pasi që skuadrat nuk e kishin atë entuziazmin e fillimit, pas rastit të Eriksen.

Në minutën e 60-të u shënua goli i vetëm i kësaj ndeshje. Jere Uronen pasoi te Joel Pohjanpalo i cili shënoi për 1-0.

Pohjanpalo scores, gives Finland the lead and doesn't celebrate.
_____________________________#DENFIN | #EURO2020 pic.twitter.com/yC3pmhwUC6

— B/R Goal (@br_goal) June 12, 2021

Danimarka kishte rast të mirë të barazonte, por në minutën e 74-të, Pierre-Emile Hojbjerg huqi penalltinë.

Në fund rast kishte edhe Andreas Skov Olse, por as ky nuk shënoi.

Finlanda në ndeshje debutuese merr tri pikë e para. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >
—