Arsenali dhe Chelsea do të përballen sot (e shtune) në finalen e Kupës FA.

Dy rivalët lokalë do të tentojnë të mbyllin edicionin 2019/20 me trofe në takimin që fillon në ora 18:30 në stadiumin “Wembley”.

The Blues tashmë e kanë siguruar Ligën e Kampionëve, derisa Arsenali përmes FA Cup do të tentojnë të kualifikohen në Ligën e Evropës.

Për këtë sfidë, Mikel Arteta do të jetë pa Callum Chambers, Pablo Mari, Martinelli, Shkodran Mustafin, që janë të lënduar, Matteo Guendouzi nuk është i ftuar, ndërsa në dilemë është paraqitja e Bernd Lenos.

Në anën tjetër, Frank Lampard nuk mund të llogarisë vetëm në Billy Gilmour dhe Ruben Loftus-Cheek, që po ashtu janë të lënduar.

Formacioni i mundshëm i Arsenalit:  Martinez; Holding, Luiz, Tierney; Bellerin, Ceballos, Xhaka, Saka; Pepe, Lacazette, Aubameyang

Formacioni i mundshëm i Chelseat: Caballero; Azpilicueta, Zouma, Rudiger; James, Kante, Kovacic, Alonso; Mount, Giroud, Pulisic. /Telegrafi/