0Shares

Ferizaj ka arritur një fitore të madhe në kuadër të IPKO Superligës së Kosovës në futboll.

Ferizajasit triumfuan në stadiumin “Agron Rama” kundër skuadrës së KEK-ut me rezultat 2-1, e cila gjë bëri që të ketë ngritje në tabelën e futbollit elitar kosovar.

Mysafirët gjatë gjithë ndeshjes dominuan kundër të rinjve të ‘elektricistëve’, e cila gjë i solli tri pikë të rëndësishme.

Rrugën e golit të besuarit e trajnerit, Afrim Tovërlani e gjetën pas tridhjetë minutave të zhvilluara në Obiliq.

Ishte Dren Gashi, ai i cili arriti të realizoi golin e parë në ndeshjen e ekipeve të fundit në renditjen tabelore.

Pesë minuta më vonë, sulmuesi Florim Bërbatovci nuk u tregua i suksesshëm para portës së vendasve.

Edhe në pjesën e dytë bardhekalëtrit vazhduan me lojë të bukur dhe sulme të njëpasnjëshme.

Një të tillë e konkretizuan në të 75-tën minutë përmes Ervin Kaçarit, i cili dyfishoi epërsinë e mysafirëve.

Por, dy minuta më vonë vendasit arritën të zbusin avantazhin e mysafirëve përmes një goli të shënuara nga Rilind Nimani.

Deri në fund të ndeshjes më nuk pati raste për të veçuar dhe kështu përfundoi në dobi të ferizajasve me rezultat 2-1.

Pas kësaj, Ferizaj ngritët në vendin e dhjetë të renditjes me 14 pikë gjersa KEK-u mbetet në pozitën e fundit me vetëm një pikë. /Telegrafi/

Të Ngjajshme
Shfaq Komentet (0)