Real Madridi po lidhet tashmë me një transferim të organizatorit të Olympique Lyonit, Nabil Fekir.

Fekiri, i cili është i majtë dhe që kryesisht luan si një numër 10, por mund të operojë edhe në pozita tjera, shënoi 23 gola për Lyonin në sezonin e kaluar dhe ndihmoi Francën për titullin e Kupës së Botës këtë vit.

25-vjeçari ishte lidhur më parë me Real Madridin dhe Barcelonën këtë verë, ndërkohë që ai gjithashtu pa një lëvizje të refuzuar te Liverpooli në orët e fundit të afatit kalimtar.

Fekir heziton të vazhdon kontratën, Chelsea e Bayern përgatisin ofertat për francezin Fekir heziton të vazhdon kontratën, Chelsea e Bayern përgatisin ofertat për francezin

Marrëveshja e tij aktuale me klubin e Ligue 1 skadon në qershor të vitit 2020 dhe raporti i gazetës Marca citon presidentin e klubit Jean-Michel Aulas ‘duke u bërë nervoz’ me vlerën e tij në rënie.

Kështu, presidenti i klubit francez thuhet se ka lënë të hapur mundësinë e një shitje të hershme, gjatë janarit për yllin francez.

Sipas gazetës spanjolle Marca, Fekir i është ofruar kampionit aktual të Ligës së Kampionëve, Real Madridit.

Pos Contes, Reali do të nis një ofertë edhe për Hazardin dhe Fekirin Pos Contes, Reali do të nis një ofertë edhe për Hazardin dhe Fekirin

Fekiri është kapiteni i Lyonit dhe ka ndihmuar klubin të kualifikohet të 16-tën e Ligës së Kampionëve, ku ata do të përballen me Barcelonën.

Organizatori francez ka gjashtë gola dhe katër asistime në 16 paraqitje deri më tani këtë sezon në të gjitha garat. /Telegrafi/