Cesc Fabregas ka konfirmuar se çdo lojtar dëshiron të luajë më shumë, por siç qëndrojnë gjërat ai do të qëndrojë në Chelsea deri në verë.

Mesfushori spanjoll është jashtë kontratës në fund të sezonit, dhe ai ka qenë i lidhur me një largim nga Stamford Bridge.

Skuadra më e lidhur me të ka qenë ajo italiane, Milani, të cilët thuhet se e duan gjatë janarit shkaku i emergjencës në mesfushë.

Fabregas mund të kalojë te Milani për 11 milionë euro Fabregas mund të kalojë te Milani për 11 milionë euro

Edhe vet Fabregas është i interesuar të largohet nga Chelsea pasi nuk po luan rregullisht, por një gjë e tillë nuk pritet të ndodh deri në verë.

Cesc Fabregas (Foto: Paul Kane/Getty Images/Guliver)

“Ne kemi një skuadër të mirë me shumë lojtarë të vlefshëm”, ka thënë fillimisht Fabregas pas lojës ndaj PAOK natën e së enjtes.

“Unë jam në Stamford Bridge dhe jam i lumtur, por është e qartë se çdo lojtar dëshiron të luajë më shumë”.

Leonardo takohet me agjentin e Fabregasit, pritet transferimi i spanjollit te Milani Leonardo takohet me agjentin e Fabregasit, pritet transferimi i spanjollit te Milani

“Nuk kam biseduar me askënd, por është e qartë që nëse nuk kam nënshkruar një rinovim atëherë mund të bëj një marrëveshje me dikë nga janari dhe ndoshta do të tërheqë shumë klube”.

“A do të qëndroj deri në fund të sezonit? Tani momentalisht mund të them po”, përfundoi mesfushori spanjoll. /Telegrafi/