Federata e Futbollit e Kosovës së bashku me sponsorin e Superligës, Bankën Kombëtare Tregtare, BKT, vazhdojnë ndarjen e çmimit “YLLI I JAVËS”, për lojtarin më të mirë të xhiros.

“Ylli i javës” për xhiron e 31-të në BKT Superligën e Kosovës është shpallur futbollisti i Ballkanit, Ermal Krasniqi.

Për 24-vjeçarin e portokallezinjve nga Suhareka, kjo është hera e tretë brenda këtij edicioni që e fiton këtë çmim, por hera e parë në stinorin pranveror.

Ai ishte shpallur më i miri edhe në xhiron e dytë dhe në xhiron e 11-të.

Krasniqi ishte ndër lojtarët më të mirë të këtij edicioni dhe një paraqitje mbresëlënëse e pati edhe në ndeshjen e javës së 31-të në fitoren 3-2 kundër Dritës.

Reklama
Ballkani mposht Dritën në dramën e pesë golave, prek titullin me një dorë Ballkani mposht Dritën në dramën e pesë golave, prek titullin me një dorë

Ai ishte kreator i golit të parë si dhe shënues i golit të tretë, në minutat shtesë, duke qenë përcaktues në arkëtimin e tre pikëve të reja, të cilat e kanë afruar Ballkanin te titulli i parë i kampionit.

Reklama

Çmimin “Ylli i javës” për sulmuesin e Ballkanit e ndau Artan Cecelia, menaxher i departamentit në BKT. /Telegrafi/