Erling Haaland ende ka shansin t’i thyejë tri rekordet historike me gola

Debutimi i mrekullueshëm i Erling Haaland në Ligën Premier arriti lartësi të reja të mërkurën pasi sulmuesi norvegjez shkatërroi rekordin 28-vjeçar të Alan Shearer me golin e tij të 35-të të sezonit.

Duke gjetur rrugën për te goli në fitoren 3-0 të Manchester City kundër West Ham, shokët e skuadrës së sulmuesit u rreshtuan për ta nderuar në Etihad në sfondin e një ovacioni nga tifozët, të gjithë plotësisht të vetëdijshëm se po shihnin diçka e jashtëzakonshme.

Të thuash që Haaland ka një nuhatje për të rishkruar librat e historisë nuk është aspak nënvlerësim: Sezoni i tij i parë bombastik në Angli e ka parë atë të thyejë dy rekorde.

22-vjeçari kaloi pesë herë pas portierit të pafat të RB Leipzig, Janis Blasëich në më pak se një orë gjatë ndeshjes së dytë të fazës së 1/8-së të Ligës së Kampionëve që sigurisht pa skuadrën austriake të eliminuar, ndërsa shanset për tripletën e Cityt filluan të lulëzojnë në një mbrëmje marsi në Etihad.

Haaland është personi i tretë në histori që arrin këtë sukses – vetëm Lionel Messi dhe Luiz Adriano  e kanë arritur atë total në kompeticionin më prestigjioz të Evropës.

Më herët atë mbrëmje, ai u bë  golashënuesi më i mirë i klubit në një sezon të vetëm, duke thyer rekordin 94-vjeçar të vendosur nga Tommy Johnson me golin e tij të 39-të të sezonit të mërkurën.

Por, me tetë ndeshje të mbetura këtë sezon – dhe ndoshta nëntë nëse arrijnë në finalen e Ligës së Kampionëve – Mail Sport vlerëson se cilat rekorde të tjera Haaland mund të thyejë ende në sezonin 2022-23.

Më shumë gola në Ligën e Kampionëve në një sezon të vetëm (17)

Ndërsa City synon të ndjekë një trefishtë historik – Haaland ndoshta i ka sytë nga rekordi aktual i kompeticionit për një sezon.

Ai u vendos nga Cristiano Ronaldo gjatë sezonit 2013-14, ku ylli portugez shënoi 17 gola gjatë ecurisë së tyre të suksesshme evropiane.

Ai shënoi një penallti gjatë finales kundër rivalëve Atletico Madrid, ku Los Blancos përfundimisht fituan ndeshjen 4-1 pas kohës shtesë.

Haaland aktualisht ka 12 në garë dhe ka një shans për të barazuar – apo edhe thyer – rekordin e Ronaldos.

Më shumë hat-trick në një sezon në Ligën Premier (5)

Norvegjezi tashmë ka katër het-tricke në Ligën Premier që nga përfundimi i transferimit të tij prej 60 milionë euro në Etihad në verë.

Ai ka arritur të shënojë tre gola në ndeshjet kundër Crystal Palace, Nottingham Forest, Manchester United dhe Ëolves këtë sezon, duke e vendosur atë në distancë të prekshme nga rekordi i një sezoni.

Ky është një tjetër rekord i Alan Shearer, në sezonin 1995-96 ku legjenda angleze shënoi pesë hat-trick.

Më shumë gola brenda një sezoni (63)

Rekordi aktual për më shumë gola në një sezon të vetëm në të gjitha garat në ligën e parë angleze qëndron në 63 gola dhe mbahet nga legjenda e Everton, Dixie Dean.

Dean e shkroi emrin e tij në historinë e futbollit pasi arriti shifrën befasuese në sezonin 1927-28.

Për të arritur rekordin e pabesueshëm, Haaland do të duhej të shënonte 12 gola në tetë ose nëntë ndeshjet për Cityn.

Rekordi dukej pothuajse i pamundur të thyhej në mars, por tani? Pothuajse asgjë nuk duhet të përjashtohet. /Telegrafi/