Mini-seriali më i ri nga GjirafaStudios, “Beni” sot vjen me episodin e dytë, ku personazhi kryesor i quajtur Beni, si i pafat dhe qesharak që është, futet në situata absurde e komike.

Në këtë episod ‘Fantazma’ që sapo doli në GjirafaVideo, Benit fillon t’i shkojë dita mbrapsht, që nga fillimi. Problemet i fillojnë me televizor, e i vazhdojnë me ujë e rrymë. Për të gjitha këto, Beni mundohet të gjejë zgjidhje, të cilat përveç se nuk sjellin rezultat, krijojnë frikë tek komshiu i tij, i cili nuk dëshiron asgjë veçse ta shikojë një film të frikshëm në qetësi.

Beni, i marrshëm, i pafat e pak torollak, gjithmonë mundohet t’i gjejë mënyrat më të lehta e praktike për zgjidhjen e situatave, por ato vetëm sa komplikohen më shumë.

Mini-seriali “Beni”, edhe pse për nga mënyra e prodhimit është shumë i vecantë, elemente të tij janë të frymëzuara nga legjenda e humorit britanik Mr. Bean.

Se në çfarë situata përballet Beni në episodin e sotëm, mund ta shikoni më poshtë.