Emily Ratajkowski tregon arsyet se përse u largua nga aktrimi

Emily Ratajkowski “ndjehej si një copë mishi” gjatë aktrimit në Hollywood.

Ratajkowski, 31 vjeçe, mori rolin e saj të parë në vitin 2014 si dashnorja e Ben Affleck në filmin “Gone Girl”.

Pas rolit, modelja u përpoq të provonte se ishte një “aktore serioze”.

“Por nuk më pëlqente, “Oh, unë jam një artiste që performoj dhe kjo është pika ime”. Ndihesha si një copë mishi që njerëzit po e gjykonin, duke thënë: “A ka ajo ndonjë gjë tjetër përveç gjoksit të saj?”, tha Ratajkowski për Los Angeles Times.

Pasi luajti në filma si “We Are Your Friends”, “I Feel Pretty” dhe “Lying and Stealing”, ajo zgjodhi t’i kthejë shpinën Hollywoodit.

Modelja u lodh nga kjo gjë dhe në vitin 2020 vendosi që të tërhiqej përfundimisht nga aktrimi.

Ajo nga ana tjetër u fokusua në të tjera gjëra dhe në vitin 2021 publikoi një libër me ese personale, të titulluar “My Body”.

Libri eksploroi përvojat e saj në industrinë e modelimit dhe zbuloi mendimet e saj mbi feminizmin midis temave të tjera.

Ratajkowski po ashtu filloi modelimin në moshën 14-vjeçare. Ajo nuk u bë e njohur deri në vitin 2013, kur u shfaq topless në videoklipin “Blurred Lines”.

Që atëherë, ajo është bërë një modele në pistë duke ecur përkrah Kendall Jenner dhe Gigi Hadid.

Së fundmi, ajo u shfaq në fushatat reklamuese të Versace dhe Tory Burch.

Sa i përket jetës private, emri i yllit të famshëm ka qenë disa herë i lakuar për lidhjet me personazhe të njohur të showbizit. /Telegrafi/