Unai Emery është deklaruar për eliminimin që Villareali e pësoi nga Liverpoolin në gjysmëfinale të Ligës së Kampionëve.

Ndeshja e parë në Angli kishte përfunduar 2-0 në të mirë të The Reds, derisa kjo e dyta në Spanjë përfundoi 3-2, po ashtu në të mirë të skuadrës nga Liga Premier.

Për këtë eliminim, Emery ka thënë se i vije keq për mënyrën se si u eliminuan, pasi kanë punuar shumë gjatë këtij edicioni.

Një mbrëmje për t’u harruar për portierin e Villlarrealit, Rulli me rekord gabimesh këtë sezon Një mbrëmje për t’u harruar për portierin e Villlarrealit, Rulli me rekord gabimesh këtë sezon

“Ekipi ishte protagonist i një pjesë të parë vërtet të shkëlqyer. Fatkeqësisht në pjesën e dytë u kthyem në fushë pa forcë”, ka deklaruar trajneri i skuadrës nga La Liga pas ndeshjes.

“Më vjen keq për rezultatin, por ndihem shumë i lumtur dhe krenar për ekipin, edhe pse sinqerisht në këtë pikë doja diçka më shumë”.

Me një përmbysje sensacionale ndaj Villarrealit, Liverpooli kualifikohet në finalen e madhe Me një përmbysje sensacionale ndaj Villarrealit, Liverpooli kualifikohet në finalen e madhe

“Mbi të gjitha sepse kemi punuar gjatë gjithë sezonit për diçka më shumë”, ka shtuar më tej Emery.

Liverpooli është finalisti i parë i Ligës së Kampionëve për këtë edicion, ndërsa sonte do të mësojnë kundërshtarin në derbin mes Real Madridit dhe Manchester Cityt që fillon në ora 21:00. /Telegrafi/