Themeluesi i Tesla dhe SpaceX, Elon Musk, ka folur në lidhje me kandidaturën e Kanye West për president të Shteteve të Bashkuara të Amerikës, si dhe ka treguar se çfarë këshillash i ka dhënë pasi e ka mbështetur në garën për Shtëpinë e Bardhë.

Në një intervistë për New York Times, miliarderi ka thënë se është përpjekur ta bundë reperin se është më mirë të kandidonte në vitin 2024.

Ai ka treguar se njihet me West qe një dekadë, si edhe se i ka përcjellë postimet e tij shpërthyese në rrjetet sociale.

Elon Musk (Foto: Saul Martinez/Getty Images/Guliver)

“Pasi i publikoi disa postime në Twitter, i dërgova një mesazh që ta shihja nëse është mirë. I thash se njerëzit janë të shqetësuar. Disa minuta më pas më thirri dhe mu duk se gjithçka ishte në rregull. Madje më kontaktoi me video-thirrje, më tregoi se ishte në Wyoming me miq, gjithçka dukej në rregull. Por, nga ana tjetër, duket sikur nuk është (gjithçka në rregull). Duket se ka shumë probleme”, ka thënë Musk.

Kanye West i kërkon falje publike gruas së tij Kim Kardashian, për deklarata dhe akuzat e forta gjatë kësaj jave Kanye West i kërkon falje publike gruas së tij Kim Kardashian, për deklarata dhe akuzat e forta gjatë kësaj jave

Kujtojmë që në javët e fundit, West ka qenë në qendër të vëmendjes që nga lajmi se po i bashkëngjitet garës presidenciale, si edhe pas akuzave ndaj bashkëshortes Kim Kardashian dhe familjes së saj. ndërkohë që është hedhur dyshimi se vuan nga probleme mendore. /Telegrafi/

Kim Kardashian dhe Kanye West (Foto: Frazer Harrison/Getty Images/Guliver)