Eksperti i gjykimit, Andujar: Goditja e dënimit nga erdhi goli i dytë i Celta Vigos nuk duhej të akordohej

Barcelonës i ka hasur sërish ‘sharra në gozhdë’, kësaj radhe ndaj Celta Vigos, që ia rrëmbyen një pikë në “Balaídos”.

Goli i barazimit erdhi nga një goditje dënimi që gjyqtari Guillermo Cuadra Fernandez e akordoi për shkak të një ndërhyrje të palejuar të Gerard Pique ndaj Rafinhas.

Por për ish gjyqtarin, Juan Andujar Oliver, që është eksperti i gjykimit në gazetën e njohur MARCA, ka thënë se aty nuk ekziston kontakti i mjaftueshëm për goditje dënimi.

And this is why Pique never will get the respect of the masses. Because of crucial mistakes when it matters the most. Such an awfully timed tackle.pic.twitter.com/BslpELMfBW

— Crackinho (@tikiola) June 27, 2020

“Pique shkon në tokë për të ndaluar Rafinhan, por në asnjë moment nuk ka kontakte të mjaftueshme për të dhënë një ndërhyrje të palejuar”.

“Lojtari i Celtas bie në tokë dhe gjyqtari është gabuar duke menduar se ka pasur një shkelje nga ana e mbrojtësit të Barcelonës”, ka thënë Juan Andujar Oliver për Radio MARCA.

Nga ajo goditje dënimi u shënua gol nga Iago Aspas për 2-2, që ishte edhe rezultati përmbyllës i takimit. /Telegrafi/