Ekspertët e BT Sport mendojnë se penalltia e Messit duhej të përsëritej “shkaku i Verrattit”

Penalltia e humbur e Lionel Messit thuhet se duhej të ishte rikthyer pasi rishikimet tregojnë se Marco Verratti ishte brenda gjysmë rrethit të zonës dhe mund të ketë penguar goditjen e yllit të Barcelonës.

Superylli i Barcelonës kishte një shans të lavdishëm për të çuar ekipin e tij në epërsi 2-1 në Paris Saint-Germain para fundit të pjesës së parë.

Një gol në atë pikë mund të kishte transformuar ndeshjen dhe klubi katalunas mund të ëndërronte rikthimin e madh.

Lexo po ashtu Keylor Navas flet për penalltinë e pritur të Messit, dedikimin e veçantë dhe objektivin e tij dhe PSG-së

Megjithatë, penalltia u humb nga Messi, pasi goditja e argjentinasit u prit nga portieri Keylor Navas, i cili arriti të devijonte topin në traversë.

Por, ka nga ata njohës të futbollit që mendojnë se penalltia e Messit duhej përsëritur.

I tillë është ish-futbollisti Joe Cole, tani ekspert në BT Sport, i cili mendon se penalltia duhej rikthyer pasi që Marco Verratti ishte ‘gati në shpinë të Messit’.

“Ai është gati në shpinë të Messit! Ai është shumë brenda”, deklaroi Cole.

I të njëjtit mendim ishte edhe anglezi tjetër, Owen Hargreaves, i cili tha se VAR-i duhej të reagonte. /Telegrafi/

"How have they not picked up that he's encroaching there…"

"If you run the tape on, you see, he actually affects the game!"

Joe Cole was in disbelief that Marco Verratti got away with encroachment during Lionel Messi's vital penalty miss vs. PSG 😳 pic.twitter.com/v7L0K50OLd

— Football on BT Sport (@btsportfootball) March 10, 2021