Ekipi Blink pëson rënie të madhe në ranglistën botërore të CS:GO

Ekipi më i mirë i skenës shqiptare në “CS:GO Blink” po kalon ditë të vështira, si shkak i ndryshimeve të fundit në përbërje.

Siç duket ekipit “Blink” nuk po i ecën aspak mirë, menjëherë pas largimit të lojtarëve “SENER1” dhe “rigoN”, jashtë formacionit startues të ekipit “Blink” do të jetë edhe lojtari më i përfolur i vendit, Flatron “Juanflatroo” Halimi. Ky i fundit do ti mungojë skuadrës për një kohë, këtë e ka bërë të ditur vetë “Juanflatroo” përmes një postimi në rrjetin social Twitter, përcjell Telegrafi.

“Për shkak të problemeve shëndetësore do të bëjë një pushim nga të gjitha garat, për disa javë apo muaj, deri sa të filloj të ndjehem më mirë, do të kthehem më i fortë”, ka shkruar “Juanflatroo”, duke e falënderuar organizatën për mirëkuptimin.

Ndërkaq ekipit i janë shtuar tre lojtarë të rinj ne rolin e zëvendësuesit, lojtarët shqiptarë si Kujtim “Gulito” Durmishi, Ensar “Caley” Ersuzi dhe Lisian “zigg” Mete, të cilët ishin pjesë e formacionit startues në ndeshjet e fundit të “Blink”.

Me këto ndryshime “Blink” ka pasur rënie dukshëm të madhe, ekipi shqiptar tashmë renditet në vendin e 135 në botë, nga renditja e 23-të të cilën ekipi e kishte arritur jo shumë kohë më parë. Kjo ka ndodhur si shkak i humbjeve të fundit, ku nga pesë ndeshje të zhvilluara, vetëm një prej tyre e kanë fituar, kundër ekipit gjerman “Sprout”, dhe katër të tjera të humbura. Një nga arsyet e renditjes në vendin 135 është edhe ndryshimi i formacionit startues.

Ekipi i “Blink” për momentin ka këtë përbërje:

Dionis “sinnopsyy” Budeci

Genc “gxx-” Kolgeci

Kujtim “Gulitoo” Durmishi (stand-in)

Ensar “Caley” Ersuzi (stand-in)

Lisian “zigg” Mete (stand-in). /Telegrafi/