E kuptoi se do të tentonin t’ia vidhnin, viktima hedh orën e tij të shtrenjtë në oborrin e një shtëpie në periferi të Los Anxhelosit

Disa pamje të publikuara në internet thuhet se tregojnë momentin kur një burrë hedh orën e tij mbi një gardh në një periferi të Los Anxhelosit pasi dy njerëz, që supozohet të jenë anëtarë të një bande dolën nga një makinë për ta grabitur.

Pamjet që janë regjistruar nga kamerat e sigurisë, tregojnë një burrë duke ecur në një rrugë dhe duke vënë re një makinë që vinte pas, përcjell Telegrafi.

Viktima, i cili e ka vëzhguar makinën derisa ajo ka ndalur, më pas kap paniku kur sheh dy burra që dalin papritur nga automjeti.

Dhe ai, që kishte syze dielli të errëta, heq orën e tij luksoze ndërsa ikte nga dy grabitësit, përpara se të vendoste ta hidhte mbi gardhin e një shtëpie nga trotuari.

Dy të dyshuarit e paidentifikuar ndalojnë së ndjekuri burrin pasi e kuptuan se ai nuk e kishte më orën me vete.

Më pas njëri prej tyre vendos duart te porta, duke dashur të ngjitet në të për të marrë orën, përpara se të vrapojë përsëri për në makinë së bashku me grabitësin tjetër.

Nuk dihet saktësisht vendndodhja e grabitjes dhe identiteti i viktimës. /Telegrafi/