Cristiano Ronaldo ka marrë vendimin për të ardhmen e tij pas largimit nga Manchester United.

Reklama

Në fakt ylli portugez ka shkëputur me marrëveshje kontratën me Djajtë e Kuq dy javë më herët dhe aktualisht është pjesë e Kupës së Botës me Portugalinë.

Por Ronaldo ka marrë vendim për të ardhmen e tij dhe ka zgjedhur klubin e ri, klub që nuk është fare në Evropë.

Gazeta e madhe spanjolle ‘Marca’ ka zbuluar se gjithçka është mbyllur dhe se Ronaldo ka nënshkruar kontratë dy vjeçare me klubin arab Al-Nassr ku do t’i bashkohet nga 1 janari.

Nga kontrata me Al-Nasr Ronaldo nuk do të përfitojë vetë pagën, por edhe të ardhura të tjera majme nga kontrata sponsorizuese, që do ta bëjmë sportistin më të paguar në botë.

Reklama
Reklama

Shuma totale që Ronaldo për një sezon te Al-Nasr do të shkojë afër 200 milionë euro nga kontrata me klubin dhe kontrata të tjera sponzorizuese.

Deri më tani futbollisti më i paguar është Lionel Messi me 75 milionë euro në sezon i ndjekur nga Neymar me 70 sosh.

Por me lëvizjen e re, Ronaldo do të jetë bindshëm futbollisti më i paguar në botë dhe më i paguari në histori të futbollit. /Telegrafi/