Një fjali e vetme të cilën këngëtari i njohur Ledri Vula e tha gjatë intervistës së tij të fundit në emisionin “NIN”, ka shkaktuar shumë reagime dhe kanë qenë të shumta në numër femrat të cilat i janë kundërvënë reperit në rrjetet sociale.

Për ju që e keni humbur, Ledri deklaroi “Edhe femrat ja kanë nisë me repovat (të bëjnë rep), diçka nuk është në rregull!”

Reagimi në fjalë nga ana e reperit është marrë si një koment me përmbajtje diskriminuese dhe nuk është pëlqyer aspak nga fansat, duke bërë kështu një bujë të madhe kudo në media.

View this post on Instagram

🥊

A post shared by Ledri Vula (@ledrivula) on Mar 13, 2019 at 3:48am PDT

Mirëpo ai nuk ka qëndruar në heshtje pas gjithçkaje që ka lexuar dhe dëgjuar dhe së fundmi ka vendosur që të sqarojë gjithçka përmes një postimi në Insta Story.

“Më vjen keq që një fjali e imja në ‘NIN’ është keqkuptuar edhe pse as me këngët e mia, e as vet si person unë nuk i ofendoj jo vetëm reperet, por askënd nga gjinia femërore. Mos me mendu që femrat nuk bëjnë rep të mirë nuk kisha bërë këngë me Taynën. Unë e kisha për fjalorin që përdoret. Po më pengon që edhe femrat e kanë marrë atë zanat të keq të përdorimit të sharjeve siç edhe na. E di që munden me bë reptura shumë ma të mira pa pas nevojë të shajnë, se fjalorin e kemi mjaft të pasur. Ne na dëgjojnë edhe fëmijët dhe familjet e tyre, prandaj edhe po e them këtë gjë. Ju që po e ngrini këtë pluhur, kthehuni edhe shikoni të gjitha tekstet e këngëve të mia dhe pastaj gjykoni!”. /Telegrafi/