Manchester Unitedi raportohet se po shënjestron sulmuesin e Romës, Edin Dzeko, pasi ata nuk janë të bindur për sulmuesin e Juventusit, Mario Mandzukic.

Muajve të fundit është folur shumë për një interesim dhe kalim të Mandzukicit të Manchester United.

Por, tani mediumet italiane Corriere dello Sport dhe ESPN pretendojnë se ish-sulmuesi i Manchester Cityt, Dzeko, është bërë një objektiv i ri në Old Trafford.

Nëntë yjet që mund t'i transferojë Unitedi në janar Nëntë yjet që mund t'i transferojë Unitedi në janar

Mandzukic është lënë jashtë skuadrës së Juventusit nga Maurizio Sarri këtë sezon dhe mungesa e minutave mund ta bëjë trajnerin e Unitedit, Ole Gunnar Solskjaer të shqetësohet për gjendjen e tij të përgjithshme.

Diferenca midis Mandzukicit dhe sulmuesit boshnjak në Olimpico, është një kontratë që e lidh atë me kryeqytetasit deri në vitin 2022.

Edin Dzeko (Foto: Getty Images/Guliver)

Dzeko nënshkroi me Romën këtë verë dhe 33-vjeçari ka shënuar pesë herë në 12 ndeshje nën drejtimin e Paulo Fonsecas këtë sezon.

Roma aktualisht është në vendin e pestë së bashku me Atalantan me nga 22 pikë dhe do të përballet me Brescian në shtëpi këtë të diel. /Telegrafi/