Policia amerikane në Michigan ka publikuar një video rrëqethëse, ku shihet se si një dyvjeçar për pak sa nuk e humb jetën në pishinën e një hoteli në Livonia.

Në ato momente në pishinë gjendeshin dhjetëra të rritur dhe fëmijë. Ndërkaq, vogëlushi Kenvonte Thompson kishte shkuar me familjen e tij për të festuar 9-vjetorin e lindjes së motrës së tij, transmeton Telegrafi.

Megjithatë në një moment ai rrëshqiti dhe përfundoi në pishinë ku po argëtoheshin fëmijët. Ai nuk arriti të qëndrojë mbi ujë dhe askush nuk e kishte vërejtur për disa sekonda, derisa një vajzë e pa se dikush po qëndronte në fund të pishinës dhe menjëherë alarmoi prindërit.

Aty menjëherë u fut në ujë një grua që filloi të bërtet “ju lutem telefonin ndihmës së shpejtë”, e dy infermiere që kishin dëgjuar britmat kanë arritur ta rikthejnë në jetë vogëlushin.

Ai është dërguar me urgjencë në spital për tretman të mëtutjeshëm. E policia ka paralajmëruar prindërit të jenë më të kujdesshëm, dhe t’i vëzhgojnë më shumë lëvizjet e fëmijëve të tyre. /Telegrafi/