Kevin Durant është duke kaluar nëpër një formë fantastike këtë edicion me Golden State Warriors.
Edhe në përballjet me Cleveland Cavaliers të LeBron James, Durant ka triumfuar me skuadrën e tij Golden State Warriors.
Durant ka thënë se momentalisht është në të njëjtin nivel me LeBron James, pasi e ka mposhtur si në finalen e stinorit të kaluar ashtu edhe këtë edicion.
“Të gjithë më kanë thënë se unë e mposhta Jamesin, duke më përgëzuar për lojën, jo vetëm në këtë sfidën e fundit por edhe në finalet e play off-it të sezonit të kaluar”, u shpreh Durant.
Ish-ylli i Oklahoma City Thunder, thotë se aftësitë e tij në të ardhmen mund të jenë edhe më të mira.
“Unë i falënderoj të gjithë për fjalët e mira dhe mendoj se sot jam në të njëjtin nivel me LeBron. Ndoshta aftësitë e mia mund të jenë edhe më të mira në të ardhmen”, është shprehur Durant.
Aktualisht Golden State po prinë në konferencën e perëndimit me 28 fitore e shtatë disfata. /Telegrafi/
